zur Navigation springen
Sylter Rundschau

23. August 2017 | 00:51 Uhr

Sen, Surfers en niin Winj

vom
Aus der Redaktion der Sylter Rundschau

Dit es miist sa. Wan di Surfers weder tö üüs tö Söl kum, haa wü niin Winj. Wü haa dit uk al her, dat töfuul Winj wiar en ja da uk ek tö Weeter kür. Man jaarlung wiar niin Winj, man faini Senskiin üs ja önkám. Hat es da jaa langsen en dailk Skelt, wan di forskelig Natioonen me jaar Flágen ápmarsjiari tö di „Musikmuschel“. Didiarem Mensken kum jaa uk üt freemer Lönen. Trii Brödern sen jaarlung diarbi wesen, wat üt en rocht wárem Lön kám. Wan wü ön üüs Somertjüch diar ombi löp, her ja da al di Tjuk Wunterjaken ön. Ja her noch niin Sjangs üp en gur Plaats bi di Spits, man ja maast diarbi wiis en dit wiar jam fuul muar wért.
Sent 30 Jaaren raaki jam di Surfers nü al üp Söl. Dit es fuar üüs üp Söl ön di Hárefst jit jens me fuul Aarber forbünen. En wan dit da me di Feerientir töhop falt, haa wü jit weder fuul Baarigasten üp Söl. Fuaral dánen, wat söner Önerkunft jir önkum en jen sjuk skel. Man dánen haa salev Skilj, wan´s nönt finj. Söl es da jitjens gur bisaacht en di Lir sen da uk miist üp di Promenaad om tö lukin, hurdeling di Surfers diar nü me 60 kmh döör di See suusi en uk om jens Björn Dunkerbeck fan naibi tö sen. Of uk Philipp Köster. Hi es me sin niigentain Jaar jen fan di junsten. En dailk jung Gast, wat fan di jung Faamner rikelk omswáremt uur.
149 Surfers üt 34 Lönen wiar diarbi. Aur Dai wiars bluat üp Weeter man ön Injem waar da uk jit jens en bet fiiret ön di Telten, wat üp di Promenaad ápbechtwiar. Naja, di guart Fiiren tö Bigen ön tö Ofslüt sen da langsen ön di Baanhof fan Weesterlön, hur em da bitaali mut, wan em diar iin wel. Diar sen ik ek tö finjen, dit es mi tö wöölig. Ik kum miist jest, wan min Man di Skit weder wech rümi skel en help da jens en bet. Aur di Lir, wat me Toch kum wel en riin Baanhof haa. Me di Surfcup gair da uk miist di Baaritir töjen en hat uur wat ruuiger üp Söl. Da ken wü weder döör uuremi.

zur Startseite

von
erstellt am 07.Okt.2013 | 00:31 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen