zur Navigation springen
Sylter Rundschau

23. Oktober 2017 | 01:11 Uhr

Nü ken dit luas gung

vom

shz.de von
erstellt am 12.Aug.2013 | 03:59 Uhr

Nü es dit jaa noch safiir, dat dit Muasem Hüs ombecht uur ken. Diar skel nü en Kram me iinplaanet uur aur Muasem heer jaa al Jaarenlung niin Kram muar en es dach dit Térp, wat first tö Uasten liit. Baker en Wiartshüüsing jeft dit jaa. Man di Koopman kür höm diar ek hual, aur di miist Lir tö Tinem köör tö di gurt Kram. En di Baarilir, wat diar aur Somer wiar, haa ek noch iinkoopet, dat hi di Hüür bitaali kür. Tja, da es diar üp jenmol en gurt Hol. Da her em jaa di Idee, dat en Kram me dit nöörigst, me iin ön dit Muasem Hüs kür. Man hen tö nü kür em höm diar ek aur iinigi. Nü skel dit dach luas gung en dit al eeder di Septembermuun. 30. September uur jit jens en gurt Fiir maaket üs Ofslüt fan dit ual Muasem Hüs en da skel dit luas gung me bechen. Ik wel bluat hööpi, dat dit ales gur en sin lik Wai gair en wan dit da klaar es, di Lir diar uk düchtig iinkoopi, dat höm dit rentiaret! Dit Trinjombi kumt da wes noch fan salev hööpi ik.

Dit Muasem Hüs wiar jaa ön di leest Jaaren langsen en Bisjuk wert, wan diar wat luas wiar. Sa üs di "Gul Oktoober", wat en Hárefstmarker wiar en jaarlung nü ön di Septembermuun es. Of di Puaskmarkers, Jöölmarkers en jit muar. Hat wiar jaa töleest al rocht sa naar, man gur bisaacht wiar ja altermaal. Ik sen hol jens diar hen wesen tö snüüwen en maat dit uk hol weder. Man dit skel noch wat uur, teenk ik.

Dit Töögendiil diartö haa wü jaa ön Kairem me di Therme. Di skul jaa uk al fuar Jaaren klaar wiis, man staant jit langsen üs en gurt Skanplak fuar Kairem. En da sjocht em uk jit langsen üp di Sjilter "Meerwasserschwimmbad" stuunen. Hat es apskeilig, wan diar di Lir eeder fraagi, aur ja dit ek finj ken. Hööpi wü, dat dit di Muasböör beeter gair!

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen