zur Navigation springen
Sylter Rundschau

23. August 2017 | 04:59 Uhr

Ik ging ön Taachten

vom

Üs ik ön Miaren fuar Hüs üp min Baank seet, jens döör üüs faini Térp Kairem. Dit green Hart fan Söl, üs em jaa langsen sair. En üs ik da jens sa ön Taachten di Straat bi üüs áp tö Nuurden löp, stelt ik fast, dat ek fuul Lir jit jir uuni, wat jir Itüüs sen. Dit bigent al bi mi töögenaur. Ön min Jungenstir uunet diar Klaus Siegfried, di Diirterdochter. Da waar dit fuar Jaaren al forkoopet tö Lir üt Koblenz, wat tö Jööl en ön di Somer jens en paar Week diar sen. Fuar di Rest fan´t Jaar staant dit lerig. Jen Hüs förter staant dit litj dailk Hüs "Jüki" en uk jir sen bluat ön di Somer jens di Biseters fan Süderdütsklön diar.

Töögenaur staant dit "Ual Hüs", dit Museeum en dirfuar en gurt ual Koptainshüs, wat bluat ön di öner Diil miist lerig es. Eeder dit Ual Hüs kumt dit Hüs, wat jer Jens Bleicken jert heer. Eeder dat dit tö tau Brödern fan Süderdütsklön forkoopet waar, ofrewen en nii becht, es dit ek muar en dailk Sölring Hüs. Di Jügel es fuul tö breer. En uk dit staant di miist Tir lerig. Da kumt en Stööwen, hur jer di hiili Plaats fol fan Krölen wiar en wü üs Jungen seet mermung. Deling staant uk jir en gurt Hüs, hur Uunings ön di Somer aur forhüürt uur. Üp di üder Sir es nü sent Jaaren en litj Wiartshüs en da kumt di "Weberhof", wat al sent Jaaren bluat hualev biuunet uur ken, aur dit tö nü jit oler klaar waar. Hat sjocht diar ek gur üt. Üp di üder Sir es da di Pötjerii en da kumt "Nielsens Kaffeegarten", wat nü uk lerig staant aur di Gimiindi en di Biseter jam ek iinigi ken, hurdeling em dit noch beest ombech kür. Üs naist kumt da en litj Hüs, hur jer en litj Weewerii ön wiar en da dit Hüs fan üüs ual Büürfööger Peter Matzen. Ales ön freemer Hun.

Truurig es jaa bluat, dat didiarem Lir, wan´s da jens diar sen, me di paar Sölring wat jir jit uuni, nönt tö dön haa wel. Di miisten ken ek jens en "Gur Dai" aur di Lepen fo. Didiarem Trer tair höm döör dit hiili dailk Térp. Hat es mal truurig.

zur Startseite

von
erstellt am 05.Aug.2013 | 03:59 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen