zur Navigation springen
Sylter Rundschau

12. Dezember 2017 | 17:39 Uhr

Dit wiar en faini Ápgaav

vom
Aus der Redaktion der Sylter Rundschau

shz.de von
erstellt am 06.Jan.2014 | 00:33 Uhr

Ik her jaa al dit taust Jaar aur Jööl en da uk en paar Daagen aur ön´t nii Jaar ön min Bikeentenkris tau Kater tö pasin. Dit sen hoken me Stamboom en da Kat en Kaater. „Britisch Kurzhaar“ neem ja jam. Se uk dailk üt, man ja haa uk jaar ain Haur en da ken em me jam nönt bigen. Üüs Hüskater spöli jaa da uk jens aur Dai me litj Baalen en Bjener en sen da uk jens büten. Man desjir Kater kum binai ek fuar Düür en bi mi likert ek en fuaral sliip ja di Dai aur miist. Wan ik ön miarnem kám en jam fuudert, kám bluat di Kaater, di Kat stön gaarek jest áp. Man da ön Injem, wan ik da kám waar ja leewentig en wil da uk noch me mi spöli.

Jen Dai her ik dit Gifööl, dat diar en Müs ön di Uuning wiar en di kür jaa bluat al fuar leenger Tir fan di Kaater me iinslipet uuren wiis. Sen haa ik di ek. Man di Kater forhöl jam uk diareeder bluat kám diar nönt bi üt. Ik haa jam bluat fortelt, ja skel se, dat ja dit faat fo wat diar ombi rent. Üders fo ja wes árig, wan jaar Lir weder Tüs kum. Nü seet da di Kat jen Dai ön Baarirüm fuar di Skaap hur Potztjüch ön es, di es iipen. Üs ik mi dit da naier biluket, saag ik dat diar en Doos stön, hur jü langsen höör Nöös iinstat. Nü waar ik jaa uk niisgirig. Man üs ik da didiarem Doos faat fing, waar di Kat riin aurdorig. En da saag ik jaa uk di Grün. Dit wiar di Doos, hur di Kumer en Böseler fuar di Kater benen wiar. Niin Müs! Man nü wust ik da jaa uk, wat jü wil. Jungi, wat ruan jü achter mi ön. Sa her ik höör jit ek bilewet en da haa wü böselt en kemt. Di Ül floog man sa, wat wiar dit fain. Jü kür gaarek noch diarfan fo. Üs ik da áphöl saag di Baarirüm en ik üs en Swin üt. Man nü weet ik, hurme ik höör tögangs fo ken. Heer mi aurdimaaten Spaas maaket.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen