zur Navigation springen
Sylter Rundschau

12. Dezember 2017 | 06:02 Uhr

Bisjuk üt di Schweiz

vom

shz.de von
erstellt am 27.Mai.2013 | 03:59 Uhr

Hat es nü al Weeken sent, dat ik üt di Schweiz önrööpen waar. Dit ging diarbi om en Ker Studenten, wat ön di Maimuun jir tö Söl kum wil. Ja her fuar, ön Kairem dit Museeum ön tölukin, om muar aur üüs Ailön tö weeten tö foen. Man ja wust uk, dat wü jir üp Söl en ön Nuurdfriislön üüs ain Spraak haa en maat hol wat diaraur hiir. Ja her da jert, dat ik noch jen wiar, wat jam gur diaraur fortel kür. Ik haa da, üs ja önrööp uk glik tösair, diar tört ik ek aurlii.

Di 23. Mai wil ja da om Klok trii ön Kairem ön´t Museum wiis, wat uk slaaget. Nü taacht ik, tö san Saak ken em jaa uk di Dracht öntii. Sa kumt jaa jit en bet muar uk aur üüs Kultuur me tö di Schweiz. Taacht en Dön wiar jen en da ging dit luas. Üs ik diar da önkám waar jaa jest jens düchtig knipset. Klaar, dit kumt jaa uk ek aaft fuar, dat em jir daagligs Dai en Wüf ön Dracht laapen sjocht. Dit maaket mi jaa nü uk gaar nönt üt. Sa mark uk üdern jens, dat dit jit Lir jeft, wat jir Itüüs sen.

Üs ik da min Ker töhop her saacht wü üüs en stel Rüm, hur ik da min Fuardrach hual kür. En hat heer mi jaa da dach forwunert, hurdeling stel didiarem jung Lir wiar en gur tö harket. Tweskendöör haa ik da jens en litj Staatji fortelt, sa dat ja uk jens wat tö lachin her. Üders uur san Fuardrach jaa uk tö drüch. Nü her ik jaa nemen diar hur ik me Sölring snaki kür en haa jam da aliining wat üp Sölring fortelt en weder aurseet. Ik her arkjen al di Kopii fan di Spraakenboom tö Hun dön en sa kür ja da se, hur dit Friisk en uk üüs Sölring tö jert. Ja wiar aurdimaaten töfreer en wü haa da töleest jit jen Sats üp Sölring töhop sair. Di hiili Saak wiar nü uk filmet uuren en uur nü ön di Uni ön di Schweiz weeget. Mi heer dit fuul Spaas maaket en di jung Lir haa fuul me Tüs nomen.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen