zur Navigation springen
Stormarner Tageblatt

20. Oktober 2017 | 04:27 Uhr

Weltwiede Technik

vom

Handys, Trecker, Geheimdienste

shz.de von
erstellt am 13.Aug.2013 | 03:59 Uhr

De Technik ward jümmer vigelienscher, aber de Jugend kann da mit üm. Beeder jedenfalls ass ick oolen Knoaken. Annerletzt sit wi bi Monikas Familie biet Grillen biesammen. Scheunen, warmen Sümmerabend, wunnerbores Nackensteak, keuhles Beir. För de Jungs natürlich Gedrünk oahn Alkohol. Bie lütten ward dat Nacht un da süht man mit blinkende Lichter de grooten Flugzeuge den Hamburger Flughaben anstüüern. Monikas Enkel, Jungs vun 14-15 Joahr, krieg ehr Handys ruut un wiest mi up den lütten Bildschirm den Fleiger de öber uns brummt. Up dat Bild tippt se mit den Finger un dann secht ehr dat Handy. "Das ist der Flug Nr… eine Condor auf em Flug von London nach Hamburg".

Denn wies mi de Jungs ein vun de jungen Stuten in de Riethall. De ward graa inreeden. Aber ick kann se nich blot ass Bild seihn, sünnern vull in de Bewegung. Ne Kinners, wat disse Handys hüütgendags all könt! Ganz modern sünd hüüt ock de Trecker. Unsen nieden Kubota hett kein Kupplung un Gänge, ne rechts bi den Fahrer ist sonn Oart Computer, da tippst du up weck Tasten un denn moakt de Trecker allens alleen. Enkel Philip (16) feuhrt em ass ein oolen Profi, aber ick oolen Profi feuhr em nich. Natürlich kunn ick dat, ick bün ja kein Dösbaddel, aber stell di mal vör du feuhrst mit veirtig up de Straat un ein Kind löpt di vör den Schlepper. Öber sößtig Joahr hest du mit Kupplung un Brems feuhrt un nu? Ne, da will ick leiber dankboar sien, dat ick dat in mien Leben oahn Unfall schafft heff. De ein Kotflügel bi Glatties un dat ein Lampenglas tellt wohl nich ass grooten Unfall.

De Technik hett mitünner ock Öberraschungen prat. Koam ick doch nüülich nahuus un wat hüür ick dörch de Kökendöör? De Rookmelder piept mit vulle Kraft. Oh mien lewe Gott, heff ick dacht, du hest den Herd anloaten. Rin in de Köök, ne, allens allerbest. Denn mutt dat doch wo brennen ! Ne, nix, un kein Rook int Huus. Achterran hett Maik mi vertellt, wenn de Batterie alle is, denn towt dat Ding los. Mann, oh Mann, un ick heff mi bald in de Büx moakt. Dat is wat mit de weltwiede Technik. Ick stell mi vör ick roop Monika an un sech. "Wütt wi hüüt Arftensupp mit Wust eeten?" Denn glöwt womeuglich de Geheimdeinste dat si ein verschlüsselten Code un speichert dat in Amerika, England un sogoar in Düütschland. Nicht uuttodenken!

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen