zur Navigation springen
Stormarner Tageblatt

23. August 2017 | 08:45 Uhr

Tolle Mannslüüd

vom
Aus der Redaktion des Stormarner Tageblatt

De sünd sowat vun praktisch!

Dat gift Ünnerschiede twüschen Fruenslüüd un Mannslüüd, dat mutt ick hier mal seggen. Un wenn mi ock Döchting Bine, Fründin Monika un weck Leserinen argerlich tau sünd, ick mutt dat mal faststellen: „Mannslüüd sünd praktischer!“ Hier mal ein poar lütte Bispeele uut den Alldag. Vun ein Handdauk in de Baastuw ritt ein Uphängeband aff. Dat gifft dat oft, so stabil ass de Handdeuker sünd, so fleetig sünd de Uphängebänner.

Wat moakt nu de Huusfruu? Se söcht sick eist mal dat passende Band. Find se aber nich. Bien nächsten Inkoop bringt se sick eins mit. Denn söcht se Nadel, Faden un Scheer, schnitt dat Band up de richtige Länge un prünt dat meuhselig wedder an.

Gant aners de Mann! Hei schnapt sick dat Handauk. In de anner Hand hätt hei ein spitzes Metz un mit dat stickt hei blitzschnell dörch den Handdaukstoff scheunet Lock in den Handdaukstoff, un man kann dat fein an den Haken an de Wand uphangen.

Tweites Biespill. Ein Fruu is in Goaren un hett sick biet Planten de Hannen beeten natt un schietig moakt. Wat moakt de Huusfruu? Se geiht int Huus un inne Bahstuw, wascht sick de Hannen fief Minuten lang, drögt se fein aff un cremt se in. De Mann doargeigen kümmt mit sonn lütt Problem eiher trecht. Hei stickt den Moors in de Arbeitsbüx na achtern ruut un rubbelt mit beide Hannen tauglik öber de Moorsbacken. Scheun, Hannen wedder sauber, tämlich jedenfalls, un veel Tied spoart.

Ein hätt mit ein grootes, langes Metz Salat sneeden, oder Gurken oder Paprika. Jedenfalls sowat, wo dat Metz nich vun schietig ward, sünnern blot beeten natt. De
Huusfruu hüllt dat uut Gewohnheit ünner den warmen Waterstrahl un denn drögt se dat aff. Oder se lecht dat vörsichtig in de Geschirrspeulmaschin. De Mann süht mit scharpes Oog, dat dat Metz man blot ein beeten natt worrn is. Wat also deiht hei? Hei streckt den linken Arm graa uut, in de rechte Hand hätt hei dat Metz un treckt dat mit de flache Kling öber de Ärmel. Bi Linkshänner natürlich annersrüm. Trecht is hei!

Noch ein Beispill: Irgendwat, Kastanie, Stück Pappe, lütten Huupen Eer licht da dicht bien Schrank. De Huusfruu hoalt sick ümständlich lütt Schüffel un Handuhl und kehrt dat up. De praktische Mann gifft den Kram mit de Buutenkant vun den Schauh ein lütten Pedd un wech is de Kram för de nächsten föftig Joahr. Müßt doch mal seggen, Mannslüüd sünd sowat vun praktisch!

zur Startseite

von
erstellt am 12.Mai.2014 | 09:30 Uhr

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen