zur Navigation springen
Stormarner Tageblatt

19. November 2017 | 19:04 Uhr

„Is jo meist en Krimi!“

vom
Aus der Redaktion des Stormarner Tageblatt

Swatte, rode un blaage, as Sportschoh, Hackenschoh

von
erstellt am 09.Okt.2017 | 09:28 Uhr

Is jo meist en Krimi! So har Horst mie in sien Mail schreven. Horst is en olen Fründ, he is 1965 mit sien Fomilie no Kanada utwannert un wahnt nu al de Johr’n ob „Vancouver-Island.“ Vör’n vertein Daag, dor wull Horst mie en Mail schrieben un scheune Biller vun en Reis schicken. Man blod’s de Mail keem bie em torüch un as sik rutstellt, har Horst noch mit de ole „Freenet“ Mail schreven.

Ik hef mien Mail-Adress mit’n niegen Anbeeder ännert, aver dat ole Freenet noch aktiv loten, bit mie dat nu lästig wör un dat keem so: Kreeg ik dor doch en Mail, schreven an: „r.weigand“ vun Schoh-Gösch ut Hamborg. En Reeken dorbie, an Renate Weigand, to Huus in en Dörp in Hessen. Över 864 Euro, vör Deern’s-Schoh: Swatte, rode un blaage, as Sportschoh, Hackenschoh un so wieder. Dor krigst du doch erst mol mit de Bang. „Hett die dor een rinlegt, köft munter ob dien’n Nomen in?“

An annern Dag heff ik den Schohloden anropen, de Fro an den Klönkassen: „Machen sie sich keine Sorgen, eine Rechnung liegt der Lieferung bei und wird von Renate Weigand direkt überwiesen!“ Mien Fraag: „Wat ward nu mit de Mail-Anschrift?“ Antwurt vund Deern: „Das ist sicher ein Versehen, ich kümmere mich sofort darum und entschuldigen sie bitte!“

Na, ik wullt nich recht glöven un as ik mie dat dacht hef, twölf Daag later, dor keem en Retoure-Reeken, vör’n 324 Euro, wer’n Schoh an Gösch torüch schickt worden.

Ik wedder an den Klönkassen, de Deern weer en annere, aver de Antwurt as bie de Erste: „Ich kümmere mich darum!“

Na dree Daag keem en Mail vun Gösch: „Bitte bewerten sie uns!“ Bald achteran en niege Reeken, över 320 Euro vör Deerns-Schoh. Nu har ik dat satt, heff Freenet löscht un har mien Roh, man Horst, de kunn sien Mail nich los warden.

„En Krimi!“ as he schreef, nee nich, in en Krimi dor hört og jümmer en poor Doode dor to, in mien lütt Geschicht, geiht dat man üm Deerns-Schoh: „Rode, blaage, geele, swatte, vör Schietweeder un Tennis, lange Röhren vör smucke Waden un den og de to’n utgahn, de mit den fief Toll Nogel ünner de Hack.

No al de Obregen, de ik nu achter mie hef, stellt sik mie de Fraag: „Wat hett „Renate Weigand“ blods vör Feut, üm Schoh vör so veel Gild to keupen?“

Un de Fehler in de Mail-Anschrift? de ward sik nich finnen, is og schiet egol. Weer en goden Grund vör düssen lütten Krimi, so as „Horst“ segt hett!

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen