zur Navigation springen
Stormarner Tageblatt

23. Oktober 2017 | 08:49 Uhr

Dat Handy verluurn

vom

Ihrliche Fruu uut Eik in de Nähe vun de Kark

shz.de von
erstellt am 07.Mai.2013 | 03:59 Uhr

Dat gifft meihr gaude un ihrliche Minschen, ass man glöwt. Wi weurn bi de Konfirmation vun unsen Philip in de Kark in Trittau. Ünner uns Gäste weur ock ein Arztehepoar uut Kiel. Se is Gynekologin un se kreech biet Ruutkoamen uut de Kark ein bannigen Schreck: Ehr Handy was wech.

Wi wulln graa na Lüttensee ton Eeten foahrn, da seigen wi dat Ehepoar för Gewalt in de Kark trüchsuusen. Se keumen denn achterran un se weur truurig. Se harr ehr düüres Handy verluurn. In de Kark hebb se dat nich funnen, sonn Schiet aber ock. Dit Handy weur eins vun de ganz gauden, kunn navigieren, fotografieren, int Internet

goahn un watt nich all. Dat Leegste för Fruu Doktor aber was, se harr ein Unmenge Adressen un Daten speichert un dat weur nu all wech. Ehr Mann säh ock noch dat Handy weur ja oapen west, da kunn bet ton Sperren jedenein rund üm de Welt telefonieren, dat kunn kosten.

Gliek Anfang vun de Week kreech mien Dochter Sabine ein Anrop, ob se wüss weckein dat Handy tauhüüren däh. Anropen däh Herr Uwe Puffke vun dat Amt Trittau. De is ünner annerem taustännig för allgemeine Ordnungsangelegenheiten, un so is dat Handy bi em landt. Dat weur so, ein ganz leiwe, ihrliche, hilfsbereite Fruu hätt dat Handy in de Nähe vun de Kark up den Parkplatz funnen. De Dame uut Eik (Eichede), ick kenn ehren Namen nich, is extra na de Trittauer Polizeistation hen un hett dat afflewert. Un de Polizei hett dat to Uwe Puffke bröcht. De hätt pfiffig eist mal de Adressen upropen. Un fünn woahrhaftig Sabine Hundsdoerfer-

Pokupic. Fortsen hätt hei bi mien Dochter anropen.

Eist mal wull hei weeten, ob de Konfirmation in Trittau west is, wi hüürt doch na Lüttensee. "Trittau" säh Sabine un doarmit weur Puffke den Fall all neeger. Sabine gew em de Nummer vun Fruu Doktor, ock ein Sabine, un Uwe roop da an. Hei müss ja ruutkriegen, ob dat würklich ehr Handy weur. Ji weet doch Datenschutz un all sowat. De Kieler Sabine hett em secht, hei müch doch mal de Biller upropen. Ton Glück kennt Uwe Puffke mit sonn technischen Kram uut un fünn richtig de Billler vun ein Kinnerkarneval. Denn hätt Sabine em beschreeben wat ehr Kinner förn Kostüm anharrn un nu was Uwe seeker - dat wass ehr Handy.

Mien Bine müss oahnhen na Kiel un hett dat Handy mitnoahmen. Un de Kieler Sabine is glücklich dank de feine, ihrliche Fruu uut Eik un Uwe Puffke vunt Amt Trittau.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen