Corps Hanoverania

Veir scharpe Mensuren

shz.de von
30. Juli 2013, 03:59 Uhr

Mien Brauder Rupert weur in sien Studentenjoahren in de

"Schlagende Verbindung - Corps Hanoverania". Veir scharpe Mensuren (Degengefechte) weurn da Pflicht. Nu wart gliek weck seggen "entsetzlich, überholt, Rückfall in oole Tieden" un wat süss noch. Aber mien Brauder is ein Vereinsminsch, hei mutt jümmer gaude Kameraden üm sick hebben. Oahn sien Corps weur em in de fiefeinhalb Joahren Tiermedizinstudium de Deck up den Kopp follen.

Dat Corps hett ein scheunes, grootes Huus, da kunnen de Corpsbreuder to jede Tied hen. Un Abends keumen se da ein poar mal in de Week tausoamen. Da würr ein jeden holpen, wenn hei mit dat Studium Probleme harr. Dat Ziel wa, jedenein sull dörch dat swoare Staatsexamen

koamen un ein öllichen anständigen Minschen warrn. Doartau hüür ock, dat man sick ock mit Alkohol jümmer anständig verhollen däh.

Vergneugt weurn de Abende. Jedenein müss sien Beir sülbst betahlen, aber veelfach hebb ock de " Alten Herren" ein Fatt stift. Veel Stu diengeld harrn de meisten Studenten nich. Mien Brauder hett sich ein Deel vun sien Studium mit Swien- un Rinderabladen nachts up den Schlachthof verdeint.

De Mensur! Ick kann mi vörstellen, dat da ganz scheun Maut doartau hüürt!

Besünners ton eisten Mal. Die steiht ja ein mit ein Rasiermesserscharpe Waffe, ein Degen (ock Schläger oder Speer neumt) gegenöber. Dat mittomoaken, ick glöw dat prägt den Charakter. Mien Brauder hett ass ganz gauden Fechter acht scharpe Partien sloahn un blot ein einzigen Schmiss, (Verwundung- Schläfenader dörchsloan) affkreegen.

Bi sien Hochtied stünnen twei Corpsbreuder in Vollwichs, sneiwitte Büxen, Steebel bet boabenhen, hellblage, lange Jack mit Silber, mit gekreuzte Degen vör de Kark. Ick mach sowat, ick bün Ostpreuße. De Dag wo mien Brauder Doktor würr, weur wat Besünneres. De veelen Corps in Hannover harrn all för ehr nieden Doktors Kutschen besorgt. Rupert sien Corps harr Pech, bi de Kutsch güng ein Rad in Dutt. Flink hebb de Jungs ein lierlütten Handwagen uutlehnt un sick davörspannt. Un so seit mien leiben, jüngeren Brauder mit Doktorhaut stolt up dree schwankende Kasten Beir.

Rupert, to de Tied noch ein armen Hund, müss sick eist mal ass Vertretungstierarzt dörchsloahn. Aber denn reupen twei Tierärzte, Corpsbreuder, uut Ratzeburg an. "In Geesthacht wart ein ganz rünnergekoamene Praxis verköfft. De kriegst Du wedder hen." Twei Dag later meldt sick dat Corps. " Hier hat ein alter Herr aufgehört. Du kannst seine Instrumente haben. Denn wedder de Corpsbreuder ut Ratzborg. "Bi uns is Sünnabend Danz. Da kümmt ock ein Deern, scheun, ganz besünners klauk, Ostpreußin un beeten wat an de Hacken."

Dat hett vun eisten Momment an klappt. Dree scheune, ganz klauke Kinner hebb se kreegen. De ein, mien Patensöhn, würr all mit 34 Professor. Un all sowat Gaudes verdankt Rupert ock sien Corps!

zur Startseite

Diskutieren Sie mit.

Leserkommentare anzeigen