zur Navigation springen

Son Planetarium is as en Navi för de Sternenhimmel

vom

shz.de von
erstellt am 04.Mai.2013 | 03:59 Uhr

Nordfreesland | Op de Eer is dat goot, wenn man en Navi hett. Sodenni findt man ok in Düstern dat Menke-Planetarium in de Philosophenweg in Glücksborg. "Ja, hier sind wi richtig. Dor is en Schild." De ersten plattdüütschen Stimmen sind all op de Parkplatz to hören. "Unse Melkstraat, wat dat dor nicht allens gifft" (Vorstellung und Vortrag in Plattdeutsch) so harr dat in de Zeitung stahn.

"Sind se anmelldt? Se hebbt Platz 15." In en Rondeel sind binnen vigeliensche Stöhl opbuut. Son Stohl hett en Gestell ut Stahl mit en Koppstütt as bi de Tähndokter. Denn kann een lichter de ganze Tiet na baven kieken. All krupen tosamen op de eene Siet. Links un rechts is Technik to bewunnern, Beamers, Projektionsgeräte un ok en Klapprekner.

In feinste Platt hölpt Professor Dr. Uwe Roose de Tokiekers un orienteern sik. Wi sehen de Nordhalfkugel vun disse Johrstiet. "An de een Siet kann man de Klockenschlag lesen. Un wenn Jem dor röver kieken, denn könnt Jem de Nordstern sehen un dwars över de ganze Himmel löppt de Melkstraat."

Ok de Himmelskugel hett en Nord- un en Südpol. Wenn sik de Eer um de egen Achs dreiht, denn löppt de Sternenhimmel jüss gegen de Klock. Professor Roose gifft gern Antwort op unse Fragen. So vertellt he vun unendlich grote Talln, vun Lichtgeschwindigkeiten, Planeten, swatte Löcher un dunkle Materie.

Jedereen kennt de grote un lütte Wagens. De enkelten Sterns warrn mit Licht-Linien tosamenbunnen. De Tokieker kann nich blots de beiden Wagens kennen, ok de Diessels dorto warrn wiest. De Professor kennt all de Naams. "Un dat hört denn tosamen to dat Sternbild Grote Bär!" Bi dat warrd en Bild vun en grote Bär överblendet.

So warrn all Sternbillers vörstellt, de wi bi uns sehen könnt. Jümmers mit en överblendete Bild as wi uns dat vunt Horoskop her vörstellen doon. "Dat mien Sternbild Lööv nu jüss dor is, dat heff ik nich wusst." Seggt mien Naver.

Dat Planetarium hett een vun de modernsten Projektionstechniken. Mit dree Millionen Bildpunkte warrd allns in de söß Meter grote Kuppel wiest. Wi föhlen uns as Captain Kirk vun de Enterprise, wenn de Professor uns mit hoge Tempo op unse vigeliensche Stohl dörch unse wunnerschöne Sonnensystem flegen lett.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen