Demografischer Wandel: In Tokunft kümmt wat op de Gesellschaft to

Dat ward jümmers schworer, junge Lüüt för de Pflegeberufe to
Dat ward jümmers schworer, junge Lüüt för de Pflegeberufe to

Avatar_shz von
24. März 2012, 08:17 Uhr

Nordfreesland | To een "Talk op Platt" har de Plattdüütsche Vereen Viöl un Umgebung vun 1991 na Friedensburg in Löwenstedt inladet. Dat gung an düsse Nahmiddag um een Thema, dat uns all wat angeiht. Dat Dörchschnittsöller vun uns Bevölkerung ward jümmers höher. Een plattdüütsche Wort gifft dat dorför nicht. Op Hochdüütsch seggt man demografischer Wandel.

Na Tallen över de Bevölkerungsentwicklung in de Kreis Nordfriesland, de Landrat Dieter Harrsen parat har und na een Tabell mit de Entwicklung vun de Inschoolungstallen in de nächsten Johrn in de Viöler School wur all Tohörers klor, dat dor een dramatische Entwicklung iin de Gang ist. Wie kann dat wieder gohn? Dat wichtigste weer de Bildung. Wiel de meisten jungen Fruens hüt berufstätig sind, bruken wie unbedingt Kinnerkrippen, Kinnergorns und Schoolen mit Ganzdagsbetreuung, meen de Landrat. Vör allen Dingen weer dat wichtig för de Kinner ut sozialschwache Familien. Jüst disse Kinner hem bi uns in Düütschland schlechtere Bildungsabschlüsse als in annere EU-Staaten.

To de öffentlichen Inrichtungen, als Schwimmbäder, Turnhallen meen Bürgermeister Hans Jes Hansen, dat dat in Tokunft nicht alln’s in alle Dörper oprecht holn warn kann. Viellicht schull man, als in andere Regionen, dat Modell "Bürgerbus" in de Gang kriegen. So kunn man mit Hülp vun ehrenamtliche Fohrers de Lüüt, ganz besonners de Olen vun Dörp to Dörp transporteeren. To de ärztliche Versorgung in Viöl sä de Bürgermeister, dat na Gespräche mit de beiden Viöler Dokters seker is, dat emme nahfolgenden Generationen de Praxen wieder föhren warn. Ok de Tokunft vun de Praxiis in Ohrstedt is na Johann Albertsen, Bürgermeister ut Immenstedt, seker.

In Viöl gev dat bit to de Inrichtung vun de Plegekassen man een "Gemeendeschwester". Hüt sind alleen bi de Diakoniestation Viöl zehn Plegekräfte anstellt. Dorto komen noch de Plegekräfte vun de privaten Deenste. Dat ward jümmers schworer, junge Lüüt för de Pflegeberufe to begeistern, sä Marga Schwalbe vun de Diakoniestation. Wodennich dat warn schall, wenn de EU Vörschläge wohr warn, dat jede Pflegekraft dat Abitur moken schall, much se sick gornicht vörstellen.

Bi de friewillige Füerwehr in Viöl süht dat mit dat Personal na de Utkunft vun de Füerwehrhauptmann Michael Schulz, noch good ut. Dat kummt dorher, dat Viöl schon siet Johren een aktive Jugensfüerwehr hett. De jungen Lüüt laten sick vun de Technik begeistern und wesseln naher in de aktive Wehr över. Een Problem för de Füerwehren is, dat se na een Alarm spätestens na zehn Minuten vör Ort sien möt. De Insätze warn dörch de tonehmende Verkehr und dormit vun de Insatz vun de Rettungsscheer, dörch andere Bustoffe und Chemikalien in de Gewerbebetriebe und dormit verbunnen de Insatz vun Atemschutzgeräte jümmers spezieller. Eenersiets kann nicht jede Dörpsfüerwehr de ganze Technik vörholen. Annersiets mut de Füerwehr rechtietig an de Gefahrenstell wen. Een Problem för de Füerwehr is, dat vele Füerwehrlüüd nicht mehr, so, as dat fröher wer, inn’t Dörp arbeiten, sonders annerswo.

Ok för de Kark ward dat, na Pastor Jens Augustin, tonehmend schworer, finanziell de Ennen tohoop to kriegen. Na een nüe Verdeelungsschema warn de finanzstarken Gemeenden, to’n Biespill, in dat Hamburger Umland, in Tokunft beter stellt, als de finanzschwachen Regionen. Pastor Augustin bedankte sick för de friewilligen Towendungen för de Karkturmsaneerung, sunst har dat nix warn kunnt. De Karkenmitgliederandeel is de ländlichen Regionen, so as in Viöl, stabiler as in de Städte.

Bi dat Schlusswort sä Bürgermeister Hansen, dat man de Dinge nicht dramatasieren schall, dat man sick aber im Klooren wen mut, wat dor in Tokunft op de Gesellschaft tokümmt. Wi möt dat annehmen und um wiederhen een starke Gemeenschaft to wen, is dat nödig, dat dat Ehrenamt stärker annohmen ward. Man schull nicht jümmers denken, wat kann de Gesellschaft för mi dohn. Sondern man schull l mal doröber nahdenken, wat man för de Gesellschaft dohn kunn, meent Hans Jes Hansen.

zur Startseite

Diskutieren Sie mit.

Leserkommentare anzeigen