zur Navigation springen
Nordfriesland Tageblatt

17. Oktober 2017 | 04:17 Uhr

A fresk buum as a früchtbuum

vom

At buumskuul faan Johannes Boysen hee muar üüs 300 slacher aaplerbuumer

shz.de von
erstellt am 04.Mai.2013 | 03:59 Uhr

nuurdfresklun | Det traditsjuun faan a kenkenbuum käänt uk Johannes Boysen, gärtner uun Naibel. Efter sin meening san oober dön typisch fresk buumer dön früchtbuumer, so üüs a aapelbuum, a peerenbuum of a käärsbuum. För ham hiart uun arke guard en frücht buum. Muar üüs 300 oner skiaselk slacher kön ham uun sin buumskuul kuupe. För arken grünj, för arken plaats an för miast arken smaag. Boysen neemt döndiar ual slacher "Taschenäpfel". Dön aapler san nemelk letjer as dönen, wat ham bi a kuup maan feit. Diarför paase jo iin uun a brekenskreep an ham kön jo aueraal mä hen nem. Üübtu smeeks uk noch gud. Högen faan döndiar aapler kön ham bit hen uun a april uun a kääler apwaare an jo smeek alikent noch. Dach jüst sok aapelslacher san miast fer jiden wurden. Ham käänt jo ei a muar. Sodening as at buum skuul uun a luup faan dön 160 juar, wat at nü al bestäänt, tu en aard schats-kofer för ual aapler wurden.

Uun a guard faan a buum skuul waaks buumer, huar twiigen üüb en öödern rut üübsaat of kopuliaret wurden san. Det wurd uun a febrewoore noch banen maaget, iar dön letj buumer hen uunt driiwhüs kem. Diar began do a iarst knober bi a buumer tu piipin, oober widjer gungt at ei, dan jo teew üüb warem weder. Jüst so üüs Johannes Boysen, wat juarling mä sin werk hög wegen beeftuun as. De wonter juarling wiar böös lung, eentelk tu lung. Dön imen, wat en imker ütj Leck bi ham stunen hed, haa a snä an kol ei uf küden an san iingingen.

Auer leewen weler ring wedern dön buumer tusaat kön, hee Johannes Boysen uun sin gärtnerei en grat ütjwool faan onerskiaselk aarden. So batr buumer uun, wat miast a hiale somer aapler dreeg. Det gung so: bi a stam san twiigen faan oner skiaselk aapelbuumer feestwoksen. So san hög aapler al ääder uun a somer rip an öödern iarst hen tu a harefst. Sok buumer san üüs geschenk toocht. Dön buumer, wat dön twiigen tu sok aapelbuumer löwre, haa natüürelk uk aapler. Jo saamelt Boysen ap an maaget diar faan aapelsaft.

Boysen hee en buk am aapler skrewen an häält föör dracher auer dön ual sliiker. Hi steget uk beeft det struat mä ual früchtbuumslacher tesken Uulebel an Bosbel, huar arkeneen dön aapler plooke kön, wans rip san. Det hee ham de gärtner tup mä det Naibeler steed-marketing üttoocht.

Uun a somer gungt at för ham efter Hamborig, huarr üüb a "Internationale Gartenausstellung" ual aapelslacher föör stelt. Ferlicht hee hi do uk dön fresk slacher "Tante Agathe" of de "Niebüller Prinz" mä diarbi.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen