zur Navigation springen
Norddeutsche Rundschau

23. Oktober 2017 | 15:58 Uhr

De hele Macht

vom
Aus der Redaktion der Norddeutschen Rundschau

shz.de von
erstellt am 14.Sep.2014 | 15:08 Uhr

„Democracy is rule of the people, by the people, for the people.“ (Abraham Lincoln, amerik. Präsident von 1861-65).

Annerletzt hett de Ministerpräsident vun uns Bunnesland dor luuthals över klaagt, dat bi en Afstimmen in’n Landdag in de egen Regen en Verräter ween is. Dat müss för dissen Minschen, wenn’t denn vördag kamen würr, Kunsequenzen hebben. Gau erinnert wi uns an den „Heide-Mörder“, de Gedanken wannert trüch in’t Johr 1972, as Rainer Barzel den domoligen Kanzler Brandt mit dat so nöömte Konstruktive Misstruensvotum to Fall bringen wull, dorbi aver de Reken ahn dat Duo Wehner-Wienand maakt harr. De beiden harrn dor neemli för sorgt, dat tominst twee Afordnete vun CDU/CSU, mit Geld bestaken, anners afstimmt harrn as dat vun de Frakschoon vörsehen weer. (Natolesen bi Arnulf Baring, Machtwechsel)

Nu heeet dat aver in Artikel 20, GG, dat all de Staatsgewalt (Macht) vun dat Volk utgeiht un de Parteien blots bi de politische Willensbildung mit hölpen schüllt (Artikel 21, GG). Se sünd Vertreders vun’t hele Volk un bi jemehr Hanneln alleen güntöver dat egen Geweten verantwortli (Art. 38, GG). De Parteien schüllt nix anners ween as „Sortierungsapparate der politischen Meinungs- und Willensbildung“, sä Theodor Eschenburg 1990 in en groot Interview mit Marion Gräfin Dönhoff in „Die Zeit“.

In de sülve Richt hett sik ok Bundespräsident a. D. Richard von Weizsäcker in en grote Reed ütert. Hans Herbert von Arnim, Professor för Öffentlichet Recht in Speyer, slütt sik an. För em is Frakschoonszwang Entmündigung vun Börger un Afordnete. Dissen Tostand, de för’n Barg Politikverdretlichkeit föhrt hett, kunn en, so von Arnim, ännern, indem dat’n de Ministerpräsidenten direkt wählen würr, so as dat bi de Börgermeisterwohlen al lang bigäng weer. De grote Vördeel dorbi: En bruukt keen Koalitionspartner, keen Koalitionspapier, dat Eschenberg en sünniget Papier nöömt, un blifft unafhängig.

De Ministerpräsident würr bi sien Arbeit dragen vun en grote Tostimmen dörch dat Volk un kunn sik sien Ministers sülvst utsöken, de denn dörch dat Parlament dat Ja-Woort kriegen müssen. Wat aver, wenn’t keen Mehrheit geven würr? De müss sik de Ministerpräsident vun Fall to Fall in’t Parlament besorgen, wat ahn Frakschoonszwang- un –disziplin lichter möglich weer.(von Arnim)

En lupenreine Demokratie würr dat allerdings nich geven. Dat weer de Menen vun Theodor Eschenburg (1904-1995), de op’t leevst, as in England, dat Mehrheitswohlrecht inföhrt harr. Dorna würr de gröttst Partei alleen regeren. He, de grote Mahner in de twete düütsche Republik, hett sik dor nich mit dörchsetten kunnt.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen