Dat Kneeküssen, regenbogenbunt, en wahrhaftigen Segen

von
05. Juni 2014, 11:35 Uhr

Regenbogenbunt un licht to drägen:
En Kneeküsssen is wohrhaftig en Segen!

So’n Ding, dat is en Wunnerküssen,

hest du dat eerst, wiss’t nich mehr missen!

Sünd mal de Kneen di week un wund,

de Knaken knackt, dat Krüüz is rund,

denn laat di op daat Küssen dal

un weg sünd Wehdaag alltomal!

Bi de Arbeid

Un mag de Sünn ok noch so schien’n,

musst in’n Gaarn to Unkruut wüüd’n!

Dat warrt al wedder hoge Tiet,

bet Navers röver wasst de Schiet!

Dat Küssen is nich wegtodenken,

dat schoont de morschen Kneegelenken.

Dat Krüüz bruukst du nich mehr to bögen,

de Gaarnarbeid warrt to’n Vergnögen!

Büst in de Afsiet an’t Monteren,

musst achter de Oken Löcker smeren,

mit Kneen op’t Küssen warrst du sehn

de Arbeid geiht vun ganz alleen.

zur Startseite

Diskutieren Sie mit.

Leserkommentare anzeigen