zur Navigation springen
Landeszeitung

19. Oktober 2017 | 17:30 Uhr

Breiholter Geschichten: De Luft is rut!

vom
Aus der Redaktion der Landeszeitung

shz.de von
erstellt am 11.Sep.2013 | 12:29 Uhr

De Dörper Breiholt un Hamdörp liegt beide an de Eider – een op de Nord- de anner op de Südsiet. Hamdörp höört to den Landesdeel Sleswig, Breiholt to Holsteen. Hamdörp weer fröher een ganz riekes Buerndörp. Breiholt weer as Schipperdörp op al de Weltmeere bekannt. De stolten, grooten Hamdörper Buern keeken vun boven op de „lütten Breiholter Schutenschippers“ hindool. Dorüm weer dat Klima twischen de beiden Dörper fröher ni besünners good.

Dat fung al bi de Schoolkinners an. De beteren Breiholter Schöler besöchen af dat sösste Schooljohr den Hamdörper Opbuzug. Dat weer ’n Middelschool vör de Kinner op’n Land. Wenn de Breiholter Schöler mit Fohrrad no Hamdörp to School fohrn, müssen se dormit reeken, dat de Rööd meddags Plattfoot harrn. Dorüm leeten veele ehr Fohrrad in den Schuppen bi Fährmann „Unkel Hein“ stohn. Nodem de se över de Eider schippert harr, güngen se dat letzte Enn to foot.

Op den Schoolweg no Hamdörp över de Eider hebbt siek veele Geschichten afspeelt. Een dorvun ut de föfftiger Johrn müch ik nu vertelln: Twee smukke Breiholter Deerns foffteihn- sössteihn Johr old, schulln mit Rad no Hamdörp no’n Doktor. As se ehr Rööd in den Schuppen bi „Unkel Hein“ afstelln wulln, worrn se de Fohrtüge vun de grooten Jungs ut de letzte Klass wies. Se keeken sik an un harrn ohne to snacken den sölven Infall. Fix leeten se de Luft ut de Astterrööd, reeten de Ventile rut un steeken de in de Satteltaschen. Denn kroopen se ünner een grooten Busch un tövten op de Jungs.

Dat duers ok ni lang, dor keemen de al över den Damm. As se ehr Rööd ut’n Schuppen holn wulln un dat Malör wies worn, weer dat Geschimp groot. Ehr bleev nix anners över as de Rööd op de Nack to nehm un to Foot no Huus to gohn. Watt’n Bild! De beiden Deerns bogen sik vör lachen. Op den Masch diskereeten de Jungs, wer ehr wull so övel mitspeelt harr. Dorbi full de Jungs in, dat Augi, een een Johr jüngeren Schöler, hüüt twee Stünnen fröher no Huus fohrt weer. Dat kunn nich anners ween: He harr ehr de Luft rutlooten. Obwohl Augi dat jümmer weller bestree, kreeg he een ornliches Jackfull. De beiden Deerns kreegen besünners gegenöver Augi een jümmer slechteres Geweeten. Se hebbt over eerst no veer Weeken ingestohn, dat se de Öveltäter weern. Augi kreeg een Tofel Schokolaad as Weddergootmoker. De Jungs weern ehr nich dull. Se wulln sik dat mit de smukken Deerns ni verdarven.

Karte
zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen