zur Navigation springen
Landeszeitung

18. Oktober 2017 | 20:57 Uhr

„As een natten Lappen“

vom
Aus der Redaktion der Landeszeitung

Ines Barber vertellt Geschichten bi den Heimatbund

shz.de von
erstellt am 19.Okt.2013 | 00:33 Uhr

Ines Barber, Plattdüütschsnackers ut Radio un Böker bekannt, weer op Inladung vun de Hamdörper Heimatbund-Ortsvereen in Lafrenz sien Krog to Gast. Un so üm un bi hunnert Lüüt weern kamen, üm Barbers Geschichten, de so oder so Jedeen sülben belewen kann, to hörn. Un de Gast vertellt un leest mit vullen Insatz vun Arms un Been un mit een lebendig Gesicht, ut dat de goode Luun strahlt. Un se is sportlich: So bi de Geschicht vun de Teeputtdeckel, de dörch de Stuuv seil un de se mit een gewaltigen Hechtsprung för dat Tweigahn rettet hett. Oder de „Dampfreiniger“, de ehre Huusarbeit revolutioneern schull. Hett se bloots Arger mit hatt. Nu ward wedder as fröher mit Feudel un Leuwagen, Stoffdook un Huulbessen putzt.

Ines Barber gifft sick nu, wo de Kinner ut Huus sünd, as „Tolle Tante“: Un somit vertell se ok vun de Gang mit Nichte und Neffe öwer de Rendsborger Markt. Un dor geef dat ok een Fahrt mit dat „Space Shuttle“. Dorbi wor Ines Barber öbel: „Dat ganze Ding dreih’ sick, un de Gondeln dreih’n noch extra, du föhlst di dörchschüttelt as een natten Lappen.“ De Kinner harrn jucht un lacht, „un mi dreih sick de Magen üm“, vertell de Gast. Dat giff noch veel mehr Geschichten, de Ines Barber ut ehre Böker vörleesen und vertelln dee. De Hamdörper und Butendörpler hebbt dankbar applaudeert, und Rolf Hamann, de Baas vun de Hamdorfer SHHB, hett sich bi de Bökerschrieverin mit een bunten Bloomenstrusch bedankt.
Biller:
1: Een Autogramm vun Ines Barber för Rolf Hamann.
2: Spaß un Högen mit Ines Barbers Geschichten bi de Heimatbund in Hamdörp.
Biller:
Timmermann

Karte
zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen