zur Navigation springen
Husumer Nachrichten

17. Oktober 2017 | 15:22 Uhr

Billerbook nich blots för de School

vom
Aus der Redaktion der Husumer Nachrichten

von
erstellt am 16.Dez.2015 | 00:32 Uhr

Dat geiht vöran mit Plattdüütsch in Sleswig-Holsteen. Eerst keem de Leitfaden för de Plattdüütsch-Ünnerricht an Grundscholen. An 29 Scholen geiht de plattdüütsche Ünnerricht in’t twete Johr. De Lannesregeern hett en „Handlungsplan Sprachenpolitik“ vörstellt. Nu kummt dat passende Schoolbook „Paul un Emma“ un de Lehrerhandreichungen sind in Vörbereitung.
Överall in Norddüütschland passen Paul un Emma hen. Illustratorin Nicola Ashtarany hett en moderne Schoolbook in‘t Leven sett. Plattdüütsche Stiftungen ut Neddersassen un Sleswig-Holsteen hebbt Geld togeven. Un en Autorenteam vun Fachlüüd ut de Plattdüütsch-Szene hett de Themen tosamenstellt un vele Ideen inbröcht.Kinner könnt plattdüütsche Wöör as in en Billerlexikon finnen. So gifft dat Plattdüütsch op de Straat, Plattdüütsch in de Familie, bi’t Inkopen un bi’t Spelen. Jungs un Deerns könnt Farven un Tallen lehrn. Se könnt Sport maken, Feste fiern un Inkopen gahn. Avers ok Verreisen geiht oder en Draken stiegen laten. Överall is Hund Tüffel dorbi. De Katt hett keen Naam un is nich jümmers licht to entdecken. Dat Book is nich blots för de School to bruken – dor kann een ok geern mol so in rumblädern.

Paul un Emma, Quickborn-Verlag, ISBN 978-3-87651-426-0, 12 Euro, Ingwer Oldsen

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen