zur Navigation springen
Holsteinischer Courier

20. Oktober 2017 | 23:54 Uhr

Tiern ünner sik

vom
Aus der Redaktion des Holsteinischen Couriers

shz.de von
erstellt am 24.Aug.2013 | 00:35 Uhr

Een Elefant, de ümmer goodmödig west weer un alle Tiern gern helpen dä, kreeg mit’n Mal den Rappel. Dat verwunner de Tiern, de kunnen sik dor keen Vers op maken. Se versöchen dat mi Anködeln. Aber dor wurr de Elefant bösorrig dat se dat mit de Angst to doon kregen. Se beratslagten un wurrn sik eenig: De Elefant müß weg. Achter sien Rüüch beslaten se sien Dood. Keen een nehm mehr Notiz vun em. Se dän so as weer he nich dor.

Dat güng den Elefant ünner sien dicke Huut. He geev op un füll dood üm. De Eenzige, de vun den ganzen Spektakel nix mitkregen harr weer de Kanickelbuck. He harr in sien Bu slapen. Nu wull he ok sien Semp togebn. Mit’n groten Anlop sprung he op den Koloß rop un bearbeid em mit de Vorderfööt. Alle Tiern keken to un sän nix. Blots de Voß kunn sik dat nich verkniepen, de Snuut to hooln. „Du dämliche Karnickelbuck, sühst du denn dat de Elefant lang’n dood is? Un överhaupt, du weerst doch de Eenzige, den de Elefant nie nich wat daan hett.“

Dat weer een Wort, alle klatschen se Bifall. Nu seten se dor und leten den Kopp hang’n. Jeder güng sien Gedanken na. Dor, mit’n Mal een Pruschen, un de Elefant stünn wedder op de Been. He blaas in den Gegend un alle quikten vergnögt mit. Ole Leev rost nich.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen