Opregung: Verkehrsversök in Niemünster

shz.de von
14. September 2013, 00:36 Uhr

Löppt sik allns trecht, mußt blots ruhig bi blieben un de Nerven beholn. Opstünns is dat beten chaotisch in uns so gemütliche Stadt. Wat is passeert? Egentlich noch nix Endgültiges, de sünd noch bi un striet sik. Dor is so veel in Gang, dat du di dor keen Vers ut maken kanns. Vun een Versammlung in de neegste, un wat is rutkamen? Nix. Töft wi noch’n beten.

Un Niemünster schall Fahrradstadt warrn. Kann doch keener wat gegen hem – oder? De Polizei mutt upstackt warrn, mit Politessen. Warüm? Is de Niemünsteraner Bürger (Autoföhrer) so untoverlässig, dat dor keen Bloomputt mit to gewinnen is? Denn fragt de ut’ Rathus: „Wat holt de Bürgerslüüd vun den Verkehrsversök“? Tja, wat schüllt wi dorvun hooln? Wenn man wat Niedes dörchsetten will, mütt dat versöcht warrn. Weeßt ja, de Versök makt di klöker.

zur Startseite

Diskutieren Sie mit.

Leserkommentare anzeigen