zur Navigation springen
Holsteinischer Courier

16. Dezember 2017 | 22:12 Uhr

Musik is Leben

vom
Aus der Redaktion des Holsteinischen Couriers

shz.de von
erstellt am 21.Sep.2013 | 00:31 Uhr

Ach, wat weern dat för twee schöne Stünnen Musik in’t Theater in’ne Stadthall letzten Sünnavend. Jungdütschland mök Musik. De Deernsmusiktog een Stünn un dat Tungendörper Blasorchester ok een Stünn. Twüschendörch bröch een junge Sängerin mit eer sülberhelle Stimm wunderschöne Leder to Gehör. De weltbekannten Musikstücke weern so good utsöcht, dor güng di dat Hart bi up. De Theatersaal weer natürlich vull besett, un bi de bekannten Musikstücke klatsch dat Publikum begeistert mit. Wann hebbt wi dat all mal beleevt? Opstunns makt wi hier in Niemünster een Tied dörch, de alles annere as fründlich is. To’n Deel kümmt dörch de Ümstellungen, den Stratenbu, de Reparaturn, ach, un wat nich allens. Nich to vergeten de Dusende verschiedene Meenungen – Gott sie Dank sünd de Meckerbüdels in’ne Ünnertall. Liekers dat in de Versammlungen hoch hergeiht, se warrd sik nich eenig. Aver ik bün ganz vun’t Thema afkamen.

Nu mit eenmal een musikalisches Flimmern in’ne Luft. Bi den Deernsmusiktog un bi dat Tungendörper Orchester is een heelsame Betriebsamkeit opkamen. Nu kümmt dat Wichtigste: De Erlös geiht an den Kinnerschutzbund. De Kinner sünd uns Tokunft.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen