Dat makt de Fröhjohrsluft

shz.de von
21. Februar 2014, 10:55 Uhr

Ik bün blots eenmal mööd, un dat is jeden Dag. Kloke Lüüd seggt: Dat is de Fröhjohrsluft! Mag seen. Ik würr ja lever n’ Slag rinhaun un dorbi putzmunter sien. De Kinner sünd ut Rand un Band. Dat is buten so schön, an Schoolarbeiten is nich to denken. Modder schimpt: „Eers kaamt de Schoolarbeiten, denn dat Speeln!“ De Jung treckt’n Snuut. Modder harr em to geern n’poor rünnerhaut, aber dat is verbaden. Wat schall se blots maken, dat se een düchtigen Minschen ut em maken deit? Eenmal is dat so’n brenzliche Situatschon. De Jung will Football speeln, un he schall Schoolarbeiden maken. Jüst is Vadder dorbi. „Du verdreihte Bengel“, schimpt Modder, „so’n Frechheiten mutt ik mi gefalln laten!“ Un denn dreiht se sik na eern Mann üm. „Dat freche Muulwark hett he vun di!“ „Kann sien“, antert he. „Du hest dien ja noch!“

zur Startseite

Diskutieren Sie mit.

Leserkommentare anzeigen