zur Navigation springen
Eckernförder Zeitung

23. Oktober 2017 | 16:28 Uhr

Rebellsche Unroh

vom
Aus der Redaktion der Eckernförder Zeitung

von
erstellt am 11.Feb.2016 | 10:58 Uhr

Ach, wat is di dat doch för’n snaaksche Saak, de dore Ümgang mit uns Spraak. En „Gaspries-Rebell“ schall sien Mandat as stellvertreden Maat in den Opsichsraat vun de Stadtwarken dalleggen.

Raatsherr Edgar Meyn vun de Grönen meent siet Johr un Dag, de Överschuss vun de Stadtwarken müss an de Verbrukers trüchgeven warrn. Dat kunn nich angahn, dat Fehlbedrääg (ok Defizite nöömt) bi Dochderünnernehmen vun de Stadt (ü. a. Swemmbad) dörch disse Överschüsse utgleken würrn. Na en Urdeel vun den Bunnesgerichtshoff weern de Stadtwarken allerdings in’t Recht un hebbt den „Rebellen“ un annerswelk an de Knipp wullt, d. h. Mahnbescheede toschickt. Meyn schall nu 1400 Euros berappen, de he bitherto nich betahlt hett. Daniel Günther vun de CDU geiht mit dissen „Rebellen“ böös to Kehr un schrifft in dit Blatt, he harr de Börgers üm enige dusend Euros bedragen. Dormit würr he bi Familien mit Kinner in Koop nehmen, dat se för ehr Boodvergnögen dörch sien Verholen den vullen Intrittspries betahlen müssen. Mi dücht, een mutt nich foorts den Holthamer rutholen. Mien Fraag: Steiht in de Verdrääg vun de Stadtwarken utdrücklich bin, dat Överschüsse an de „defizitären“ Döchder wiedergeven warrn dörft?

Also, ik bün froh över jedeen „Rebellen“. Mennigeen slutt uns eers de Ogen op för dat, wat in uns Sellschop verdwars löppt. Mi plaagt, dat mutt ik reinut togeven, Buukpien bi so’n Aart vun Konstruktschonen.

Dösig, as ik mitünner woll bün, heff ik jümmers meent, de kommunalen Huusholte sett sik alleen ut Stüern un Afgaven tosamen un würrn keen tosätzli Stütt dörch de Energieverbrukers nöödig hebben. En Sleef, de dor Leges bi denkt.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Die Kommentare wurden für diesen Artikel deaktiviert