zur Navigation springen
Eckernförder Zeitung

20. Oktober 2017 | 22:31 Uhr

Naroop op Doomkröger Klaus-Dieter Kohrt

vom
Aus der Redaktion der Eckernförder Zeitung

von
erstellt am 25.Feb.2015 | 14:33 Uhr

Eckernför Mit Klaus-Dieter Kohrt is een grote Förderer vun uns‘ Heimatspraak, dat Plattdüütsche, dörch een’n Verkehrsunfall ut uns’e Midd reten worrn. As echte Noorddüütsche is Dieter Kohrt as Doomkroog-Kröger över de Region bekannt worrn. Sien natüürliche Oort mit dat hartliche Lachen warrt keeneen vergeten, dee em kennenlehrt hett. Nu is Dieter, dee 1954 in Ekenisfeld boren is, nich mehr ünner uns. Mit sien Familie truern vele Frünnen un Weggefährten üm een’n Minschen, dee dat niemals versüümt hett, sik för sien Heimatstadt Eckernför un för de plattdüütsche Spraak intosetten. In „sien’n Doomkroog“, as Dieter Kohrt denn historischen Gasthoff leevvull nennen dä, güng he op. Siet 1985 föhr he denn Bedriev mit sien Fru Bärbel un worr över de Landsgrenzen henweg bekannt. Vele nömen dat kommodige Restaurant ok „Grootmodders beste Stuuv“. 1994 gründt Dieter Kohrt de Veranstaltung „Kommodig Eten un Drinken – dorto plattdüütsche Kultur“. Dormit kregen vele bekannte Vertellers een Forum, dee denn ok Besökers ut Stadt un Land mit dat passende Eten jümmers wedder anlocken dä. Hee weer Mitgestalter un Günner vun de plattdüütschen Namiddaag in’t Ykernehus un unvergeten de Veranstaltungen mit dat Museum „Historisches Speisen in historischen Gewändern“. Vele soziale Projekte hett he ehrenamtlich ünner de Arms grepen un somit grote Verdeenste üm uns‘ heimatliche Kultur erworven. Düt Johr wull Klaus-Dieter Kohrt noch „sien‘n Doomkroog“ beweertschaften, üm vun 2016 an sien‘n verdeenten Rohstand to geneten.








zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen