zur Navigation springen
Eckernförder Zeitung

17. Oktober 2017 | 07:51 Uhr

De Geschicht vun Fiete Jeß

vom
Aus der Redaktion der Eckernförder Zeitung

Wie eine Gans bei Herbert und Anita Jeß heimisch wurde / Nur das Bett bleibt tabu

von
erstellt am 05.Nov.2014 | 19:29 Uhr

Konrad Lorenz har dat op de eerste Blick sehn op dütt Deert een Mann or een Fru is. Em künnt wi nich mehr frogen, he is al lang doot. Un utprobeern kann de lütte Goos ok gor nix, se is een Eenspänner, alleen ünner Minschen.

Wunnert hef ik mi ober, statt wechtolopen, wi dat de Ort vun so`n Roos is, leep düsse Goos jümmer achter mi ran! – Komisch, het se de nich mehr al? Krank, verbiestert? – Ne, nix vun alles, de wilde Goos is stamm, se is een Hustier un Herr vun Hus un Hof. De letzten schönen Himbeern? De frische Solot? „Alles min“, denkt dat Tier, un Herbert un Anita freut sik un loot eer.

Mennigmol överkümmt de Goos ober dat grote ole Geföhl vun Frieheit, Wind ünner de Flünken, de herrliche Sicht vun boben.Denn plustert se sik op, schriggt een beeten heesch un bruust af, een grote Rund öber dat schöne Fleckby, de Schlie, de Hirschholm, öber de Kark. Un denn entweder Punktlandung or dat Telefon klingelt: „Hier is de Lehmbarch, hol din Goos mol wer af, de sööch di un quarkt hier rüm!“

Wi sünd de Gastöllern vun Südring 20 to so een seltenes Exemplor komen? In Schwansen is dat Tier ut`Ei kroopen, lütt, natt, alleen. Na, sowat Armseliges kann keener alleen loten. Schon gor nich wenn man so`n Öllern het as Matthias! He packt de lütte Hupen warm in un denn gau no Hus mit de kostbore Fracht. Dat Ehepoor Jeß wärn genau de richdigen so een Pflegefall grottotrecken, mit veel Leef un Insatz.

Nu is Fiete utwussen, is stark un weet wat he wüll, steiht mennichmol ünner de Fööt rüm, schitt un schnattert vör sik hin. Man find em in Köök un Keller, mank de Planten in de Gor nun sogor op de gefährliche Stroot. Em lang alleen loten? Lang Meddagstünn moken? Dat pass Fiete nich, denn is he muksch, denn mok he Rabatz! He brukt düssen leeven Minschen för sin Wellness.

Kümmt de Goos ok mit to Bett? „Ne, segt Herbert, ik will di mol wat segg`n, ik hef schon een nette Schlopkolleg an min Siet. Un denn noch so een Stück Fedderveeh? Dat wart mi denn doch to veel.“


zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen