zur Navigation springen
Eckernförder Zeitung

13. Dezember 2017 | 01:23 Uhr

De een sien Noot is den annern sien Broot

vom
Aus der Redaktion der Eckernförder Zeitung

von
erstellt am 08.Jan.2016 | 00:36 Uhr

Seefeld in Tirol-kannst di dit feine, weltbekannte, snieke Schidörp ahn Snee vörstellen?

In disse Dagen twüschen Wiehnachten un Niejohr hebbt mi meistto Fröhjohrsgeföhle faat kregen, un nich blots mi.Mi dücht, de Natur is reinuut narrsch worrn. Aver ok dat Immengewimmel vun Minschen, in papageienhafte Antöög verpackt, rifft sik verwunnert de Ogen un kickt stüttig na baven in den Heven un op de Thermometers. Nix to maken, de Sneemakers, de Sneekanonen mööt ran, för de Loipen , de Langlöpers un de Schispringers. Man, soveel se ok över Nacht utspiegen möögt, dat reckt vörn un achtern nich. De Snee mutt lastwagenwies toköfft warrn. Un nu sleit de Stunn vun Aloys Lechner, en Buern ut Mittenwald neeg bi.Disse plietsche Mann hett sik al bitieden op sien Hoff, to de ok en See höört, för veel Geld en Kunstsneeanlaag buen laten. De Navers un Suupjökels in'n Kroog hebbt em den Vagel wiest, meent, he müss mall in'n Kopp ween. Hier, in disse Hoochlaag, wo dat siet Johr un Dag op Bestellen snien deit!

Aloys hett wieder keken.,,En Dag,"hett he se wohrschuut, ,, en Dag warrt jüm all na mi ropen, na mien Sneemaschien, wenn de Natur mol wedder unklook spelen deit. Denn warrt mien Dukatenschieter so richtig in de Gangen kamen."
He hett Recht beholen un freut sik as en Sneekönig. Hunnerte vun Lastwagens rullt nu vun sien Hoff in strieken Stroom över de Landstraat hen na dat Schiparadies Seefeld.

För jedet Föör dörft he sik dreehunnert Euros in de Taschen steken. Gold-Aloys nöömt se em nu in'n Kroog, un dat kost Runnen. Dat Holt, Wischen un sien See dorbi uutdröögt-wat scherrt em dat. He hett se dat all wiest.



zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen