zur Navigation springen
Barmstedter Zeitung

16. Dezember 2017 | 19:57 Uhr

Opbuen, nich plegen - un weg dormit

vom

shz.de von
erstellt am 21.Mai.2013 | 01:14 Uhr

"Köönt se uns wull helpen?" Twee ole Fruu ns kemen op mi to, as ik dörch de Stadt in Richt Krückau güng. "Ik heff to mien Fründin seggt, hier bi de Volksbank is son scheune runne Bank, dor köönt wi unsn beten verpusten. Nu sünd blots noch Pöhl dor, ober de Bank is verswunnen." Jo, wo is se afbleven, de runne Bank achter de Volksbank? De Seniorenbiroot hett dorför sorgt, dat se dorhen keem. As vörn poor Johr de Bustelloosch (Gerüst) an dat Huus opstellt wöör, hebbt se de Bank afbuut un dat heet to de Tiet, se schull repareert warrn. Ober, se is eenfach verswunnen. So is dat oftins in Barmstedt: opbuen, nich plegen un weg dormit.

Wenn ik den Kandelober an de Wotermöhl ankiek, denn deit mi jümmer dat Haart weh. He hett mol in de Binnenstadt stohn. Dor is he ok al hen un her schoben worrn. Nu steiht he op Rantzau. Nich, dat he dor nich henpasst, ober dor mutt ganz nödig moln Lampenputzer bi un dat Glas putzen. Ik glööv, dor kannst al kuum noch wat lüchten sehn. Egentlich schood, oder?

Beten Höpen heff ik, dat dat bald anners ward. Ann 26. Maimoond wählt wi unsen neen Börgermeester, denn ward wiss allns so, as wi dat geern harrn. Wenn de Kandidot, den wi utsöökt, nich weet, womit he anfangn schall, hett he nu al twee Opgoven, de erledigt warrn mööt. De Barmstedter ward em dat danken.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen