Mit open Ogen un Ohrn dörch Barmstedt

Avatar_shz von
17. Januar 2013, 01:14 Uhr

Oftins froogt mi de Lüüd, de ik so in de Stadt droop, woher ik mien lütten Vertellen heff. Mien Anter is: "Ik heff jümmers Ogen un Ohrn open. Ik sommel meist Allns ünnerwegens op."

So güng mi dat verleden Sünnovendnomiddag. Ik harr noch wat to Post to bringen. Neben mi an den tweten Schalter stünn een groten Keerl. He bruuk een Breefmark to dree Cent, wiel dat Porto doch düerer worrn is. Betohln wull he mitn 50 Euroschien. "Haben sie das nicht kleiner?" froog de Postfru em. "Nee, noch nich!" smuster he. Se hett em dat wesselt ohn to meckern. Se weer heel fründlich.

Wat meent ji, wat denn passeer? De Keerl hett ehr froogt, ob he wulln Quittung kriegen kunn. Kloor, hett he ok nochn Quittung kregen un een fründlich Gesicht dorto. Ik kunn mi kuum dat Lachen verkniepen, ober worüm ok - Lachen is doch gesund!

zur Startseite

Diskutieren Sie mit.

Leserkommentare anzeigen