Mit eenmol harrn de beiden dat bannig hild

shz.de von
02. Mai 2013, 01:14 Uhr

Bi mien Spazeergang heff ik een afsünnerlich Beleven hatt. Dicht bit Swemmbad steiht an de Krückau een Schild, dat de Minschen de Oonten nich fodern süllt. Düsse Ort Deerten kann sik alltiet alleen versorgen. Ik keem dorop to, as een Keerl ganz dicht ant Över (Ufer) stünn un Broot int Woter smeet. Een Fru stünn blangenbi mitn Knipskassen un möök Fotos.

Achter mi snack een Fru mit een lütte Deern. Se vertell op Plattdüütsch över de Mullworpshopen opn Swemmbadrosen. Jo, dat gifft wohrhaftig noch Öllern, de mit ehre Kinner Plattdüütsch snackt. Ik heff mi bannig freit.

Ober nu harr de lütt Deern klook kregen, dat de Keerl de Oonten foder. "Mama, kiek mol, de Mann is ganz dumm, de weet nich, dat een de Oonten nich fodern sall, wiel wi inn Sommer, wennt hitt ward nich inn See boden köönt. Uns Kinnergoorntante hett uns düt Schild vörleest un hett uns dat allns vertellt. Kann de Mann kann nich lesen?" Ik heff mi fix höögt, wiel de beiden mit ehrn Brootbüdel dat mit eenmol bannig hild harrn, wietertogohn.

zur Startseite

Diskutieren Sie mit.

Leserkommentare anzeigen