zur Navigation springen

Barmstedt is noch ganz wiet weg vun den "Erholungsort"

vom

shz.de von
erstellt am 03.Aug.2013 | 03:14 Uhr

Twee Weken Urlaub hebbt wi mookt. In Kühlungsborn an de Oostsee sünd wi wesen. Dat weer heel schöön.

Twee Weken Sünnschien, dat weer kuum to glöven no all den Regen vörher. Wi hebbt würklich bannig Glück hatt. Jeden Dag weer de Heven blau. Een liesen Wind hölp, dat dat nich to hitt wöör. Eenfach wunner¬schöön! Wat mi opfulln is? Een Kuroort, de so püük (sehr gepflegt) is, heff ik noch nie nich beleevt. Dor wöör jeden Morgen harkt un kratzt un jede Kipp opsommelt, op de Promenood weer keen Sand un keen Unkruut. De Strand jümmers püük.

Ik heff een Keerl sehn, de weer mit son lütten Tankwogen mit Sepenwo¬ter ünnerwegens, de wüsch all de Sitzbänk af, nich blots boben op, nee, ok de Fugen. Keen Poppierkorf leep över. Allns wat de Urlaubers weg-smeten harrn, wöör opsommelt vun de Optickers.

As ik een vun de Arbeiders ansproken heff, wiel mi dat allns so goot ge¬fulln hett, meen he: "Unser Ort soll angenehm auffallen mit dieser Sauberkeit, das haben wir uns alle geschworen. Sagen Sie es gerne weiter."

Sünnovendmiddag weern wi wedder to Huus. Poor Stünnen loter bün ik ton Inköpen weest. Dor is mi opfulln, dat uns Barmstedt doch noch ganz, ganz wiet weg is vun den "Erholungsort Barmstedt". Wi hebbt dat Anrecht uns so to nömen, ober wi doot nich noog dorför.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen