Rosi un de groote Leew

Avatar_shz von
04. August 2011, 07:04 Uhr

En Deern, de an jeden Finger teihn Verehrer hett, hett meistens keenen, de üm ehr ganze Hand anhöllt.

*

"Gefühl ist Farbe" hett de nedderdütsche Moler Ph.O.Runge seggt. Ober för manche Lüd is dat ümgekehrt. Farw is Geföhl.

In groote rode Bookstoben steiht an de Huswand molt: "Jens, ich liebe Dich! Deine Rosi!" - Veele Lüd, de op de Stroot ünnerwegens sünd, kiekt sick dat int Vörbigohn an. Wer ümmer ok Jens un Rosi sien mögt: man wünscht de beiden stillswiegens en beten Glück. Anner Lüd meent allerdings mit Recht, deswegen brukt man nich glieks de ganze Wand vullkleien.

Dat gifft en oolen Snack, de heet: "Wes das Herz voll ist, des läuft der Mund über." An de Huswand lett sick dat afwanneln: "… löppt de Sprüttdos öber!"

zur Startseite

Diskutieren Sie mit.

Leserkommentare anzeigen