Jack un Büx ut Plastik

Avatar_shz von
21. Mai 2011, 09:33 Uhr

Eeten un Drinken höllt Lief un Seel tosomen, bloß de Buuk geiht dorbi uteenanner.

*

In Ameriko treckt man sick leddigdrunkene Plastikflaschen jetzt eenfach öbern Kopp. De Amerikoner mokt "Riezeihkling", dat heet: se verwendt dat Materiol no en ganz nees Verfohren as Garnfasern un verarbeidt den Heidudelkrom slankweg to Hemden, Pullis un T-Shirts. Dat is good för de Ümwelt, seegt se. Limo- un Colaflaschen fleegt also nich mehr opn Schietbarg oder bi de Nachborn öbern Tuun - nee: man driggt jem nu in de feinsten Modefarwen opn Lief. Keen Froog: dat isn fixen Fortschritt.

Hein Meier, mien Fründ, seggt allerdings, de Fortschritt is erst denn vullstännig tofreedenstellend, wenn sien Hemd utn Beerflasch un sien Büx utn Kömbuddel herstellt ward. Mit Cola is bi em "tote Hose", seggt Hein.

zur Startseite

Diskutieren Sie mit.

Leserkommentare anzeigen