Ann Stammdisch

Avatar_shz von
19. August 2011, 09:09 Uhr

Mancher verteidigt sien Meenung bloß deshalf so stiefnackig, weil he gor keen hett.

*

Wat meenst du, hett jeder von uns en eegen Meenung? Oder mutt he sick sien eegen Meenung woanners utleehn? Dat gifft Menschen, de ümmer erstmol anner Lüd froogt, wat se sülm förn eegen Meenung hebben dörft. Se froogt bi ehrn Vörgesetzten an, bi ehrn Partei-, un Vereensvörsitter oder bi ehrn Börgermeester.

Ober nu fallt jo keen (Börger)Meester vonn Himmel, heuchstens mol ut alle Wolken. Un dörum froogt de meistens Männer ehr Ehrfroo, ehe se wat falsch mokt.

Un wenn de Männer sick denn inbildt , dat se sick en eegen Meenung bildt harrn, denn goht se dormit inn Kroog, sett sick mit ehr Meenungsbild ann Stammdisch un mokt genau dat, wat Tallyrand vör lange Tied mol so formuleert hett: Der Edle kämpft auch für das Eigentum des anderen.

zur Startseite

Diskutieren Sie mit.

Leserkommentare anzeigen